Eigenmelding frå reknekapsføretak (KRT-1004)

Lovheimel og formål

Alle verksemder som er under tilsyn av Finanstilsynet, er pliktig til, på alle tidspunkt, å gi alle opplysningane Finanstilsynet måtte krevje (finanstilsynslova § 3-1). Å svare på KRT-1004 er ei slik plikt.

Manglande svar innan fristen er eit brot på pliktene til rekneskapsførarane og rekneskapsselskapa, som kan føre til tilsynsmessige reaksjonar, inkludert tilbakekalling av godkjenninga.

Eigenmeldingane gir grunnlag for hensiktsmessig og risikobasert tilsyn.

Innlevering via Altinn

Svar og innlevering skal skje via Altinn. Skjemaet finst både på bokmål og nynorsk.

Tilsynseiningane skal sende inn KRT-1004 når Finanstilsynet varslar om det. Varsling skjer ved nyheitsmelding på Finanstilsynets nettstad. Du kan abonnere på nyheitsvarsel.

Merk at Finanstilsynet ikkje sender ut purringar før innsendingsfristen.

Gå til rapporting i Altinn (KRT-1004)

Om å svare på eigenmeldinga

Denne informasjonen må vere tilgjengeleg for å kunne svare på eigenmeldinga:

For rekneskapsføretak (selskap og enkeltpersonføretak)

• Den siste årsrekneskapen føretaket la fram
• Føretaket sine skriftlege rutinar for risikostyring og internkontroll
• Føretaket sine skriftlege rutinar for kvalitetsstyring
• Føretaket sine skriftlege rutinar for antikvitvasking
• Føretaket sin verksemdsinnretta risikovurdering og risikoklassifisering etter kvitvaskingslova
• Oversikt over eventuelle avtalar om utkontraktering
• Opplysningar om oppdragsansvarlege rekneskapsførarar i føretaket er medlem i Regnskap Norge og/eller Revisorforeningen

For rekneskapsselskap

• Eigarane til selskapet
• Styremøtereferat

Sletting av godkjenning som rekneskapsselskap eller opphøyr av rekneskapsføringsverksemd i enkeltpersonføretak

Dersom føretaket har avslutta rekneskapsføringsverksemda, kan det la vere å sende inn eigenmeldinga, men berre dersom det samtidig melder frå om opphøyret til Finanstilsynet innan rapporteringsfristen.

Rekneskapselskap som ikkje lenger har rekneskapsoppdrag, kan slette godkjenninga si ved å bruke Altinn-skjema under.

• Sletting av godkjenning som rekneskapsselskap (KRT-1032)
• Opphøyr av rekneskapsføringsverksemd i enkeltpersonføretak (KRT-1038)